Nagpagawas hin bag-o nga aludayday an Registry han International Criminal Court (ICC) para ha nakatalaan nga pagdungog kan anay presidente Rodrigo Duterte, nga naatubang ha kaso nga crimes against humanity kasumpay han iya kampanya kontra ilegal nga droga.
Kaupod ha mga rekomendasyon han ICC Registry an pagbilin ha mga partido ngan kalakip ha kaso nga klaro nga tudlukon an mga parte han transcript nga karuyag nira igpa-redact o igtago ha publiko.
Iginsuhestyon gihapon han Registry an paggamit hin transcript verification process nga ginamit ha kaso ni Mahamat Said Abdel Kani agud masigurado an accuracy han mga official record han pagdungog.
Labot pa hini, gin aghat han Registry an Trial Chamber III ngan an mga kalakip ha kaso nga gamiton an witness-entiry ngan evidentiary-materials o E-binders modules ha Judicial Workflow Platform.
Subay ha Registry, makakabulig ini agud mapabilin nga organisado ngan ada ha uusa nga komprehensibo nga sistema an ngatanan han rekord han kaso.
Manunumduman nga ha syahan nga status conference dida han Myo 27, ginmalatumat ni Trial Chamber III Presiding Judge Joanna Korner nga magdudumara an korte hin panibag-o nga panginano ha panlawas han anay presidente agud matudlok kun hiya in mayda kapas nga umatubang ha pagdungog.
Nakatalaan nga magtikang an trial ni Duterte ha Nobyembre 30, 2026.
