Gin aghat han mga prosecutors han International Criminal Court an mga huwes nga dire tugutan an hangyo ni anay Presidente Rodrigo Duterte nga ig ugsod hin waray deadline an kaso kontra kan Duterte.
Sumala ha mga ine, dire sakto an alegasyon han pagkawara han memorya ngan paghinay han panhuna-hun hine para yaknon nga dire ine pwede umatubang ha pagdungog.
Ha ginsalawad nga dokumento dida han Setyembre 11, ginmalatumat han ICC Office of the Prosecutor nga dire sakto an mga report han mga defense team ni Duterte para ig undang an proseso.
Plano naman han prosekusyon nga kumuha hin kalugaringon nira nga medical expert agud matudlok kun mayda kapas hi Duterte nga bumulig ha pagdungog.
Dugang pa han mga ine, an pagigin “fit to stand trial” in dire basar ha pagkakamay-ada hin sakit kundi ha kapas han akusado nga intindihon an mga kaso kontra ha haiya, panginanuon an ebidensya, ngan tagan hin direksyon an iya abogado.
