NATIONAL–Kumpyansya an Deputy Prosecutor han International Criminal Court (ICC) nga masasaka ha full trial an crimes against humanity charges kontra kan anay Pangulong Rodrigo Duterte.
Ine in kahuman han paghuhuman han 4 ka adlaw nga pagdungog ha kumpirmasyon han kaso han anay pangulo ha ICC Pre-Trial Chamber I.
Sumala kan Deputy Prosecutor Mame Mandiaye Niang, nakag-presenta an ira parte hin ebidensya ngan kasagaran hine in mayada kalabutan ha mga speech tikang mismo han Pangulo.
Gineksplikar pa han Deputy Prosecutor nga para ha kumpirmasyon han kaso, kinahanglan la nira makapaghatag hin ensakto nga basehan agud nga tumuod ngan ginduon nga dire pa ine parte han trial.
Nanindogan gihapon an ICC Prosecutor nga mayada ensakto nga ebidensya para tumuod nga an ira ginaakusa ha anay pangulo in reasonable ngan dire maluya nga akusasyon.
Ginpunto gihapon ni Niang nga kinahanglan nga magpadayon ha trial an kaso kontra kan Duterte ha kaluyo pa han pagkwestyon han depensa ha kredibilidad han mga testigo o discrepancy han mga hine, butang nga dire pa dapat igkonsidera han ICC judges ha punto nga ine.
Gineksplikar gihapon han Deputy Prosecutor nga dire pa ginpapailarom an mga testigo ha cross-examination, mahitungod nga bubuhaton pa la ine ha trial mismo.
Samtang, ha parte naman han depensa, nauna nga ginpahayag ni defense lawyer Nicholas Kaufman nga natuod hiya nga
magde-deisyon an mga hukom han ICC Pre-Trial Chambver I basar ha ebidensya.
