NATIONAL–Gintugotan na han International Criminal Court (ICC) an hangyo han kampo ni anay Pangulong Rodrigo Duterte ngan han prosecution nga magdugang hin mga bag-o nga ebidensya nga gagamition ha hearing.
Ha 4 ka-paypay nga desisyon han ICC Pre-Trial CHamber 1 nga nakapetsa han ika 10 han Pebrero, in gintokahan han ICC Pre-Trial Chamber 1 an depensa ngan prosecution nga magserbe hin bag-o nga ebidensya nga kutob han ika 13 han Pebrero.
Syahan nga hangyo han legal team han anay pangulo tikang ha ICC nga magdugang hin 78 ka mga bag-o nga ebidensya nga iguupod ha confirmation of charge.
Waray naman ine ginkontra han prosecution, sanglit gintugotan nala ine han ICC.
Samtang an prosecution in ginhangyo gihapon ha chambers an dugang nga 2 nga bag-o nag ebidensya kun diin tumugot gihapon an kampo han depensa.
Upod gihapon an Common Legal Representatives of Victims (CLRV) nga waray ginkontra an hangyo han depensa ngan prosecution para maduganagn hin ga ebidensya.
An nasabi nga mando in ginpagawas pira ka-adlaw ugsa an pagbubuhaton nga confirmation of charges kontra ha anay president han nasud tikang han ika 23 kutob iak 27 han Pebrero.
Mababaruan nga nakadetene ha facility center han ICC an 80 anyos nga hi Duterte mahitungod ha crimes against humanity nga kanit ha anti drug operations hine han iya pa an alcalde han Davao City ngan Presidente han Pilipinas.
