Gintalaan na han International Criminal Court an pormal nga iskedyul para ha ikaduha nga status conference ha kaso nga ginkakaatubang ni anay Presidente Rodrigo Duterte may paghisumpay ha crimes against humanity mahitungod ha iya madugo nga “war on drugs.”
Ha ginpagawas nga public order han ICC dida han Huybes, nakabutang nga gaganapon an status conference ha Hunyo 23, 2026, tikang alas 10:00 han aga kutob alas 12:00 han udto. (local time)
Sumala ha Trial Chamber III han ICC, lima nga pangunahon nga isyu an paghihisgotan, sugad han:
-Deadline han pagsumite han obserbasyon ha Expert Panel Report
-Pag-adopt han protocol ha pagkapot han confidential information
-Limitasyon ha kahalba han Prosecution Trial Brief
-Pagtala han masunod nga status conferences mahuman an judicial recess.
-Public statements han mga counsel
Nauna na nga gindumara an siyahan nga status conference dida han Mayo 27, 2026, kun diin nadesisyonan han ICC nga kinahanglan pa an ikaduha nga sesyon para ha mas detalyado nga paghisgot ha proseso han kaso.
