NATIONAL – Iginbasura han International Criminal Court (ICC) an hangyo han kampo ni anay Presidente Rodrigo Duterte nga pahugtan an mga ginkakarawat nga identification documents han mga biktima han drug war ha kaso han crimes against humanity kontra haiya.
Ha desisyon nga ginpagawas dida han Abril 17, gintugutan han ICC Pre-Trial Chamber I an rekomendasyon han ICC Registry nga kumarawat hin magkaduru-dilain nga klase hin overnment-issued IDs sugad han birth certificate, senior citizen card, barangay certificate, driver’s license, ngn iba pa — dire la pasaporte o National ID sugad han hangyo han kampo ni Duterte.
Iginduon han abogado ni Duterte nga hi Nicholas Kaufman nga kinahanglan nga pahugtan an rekisitos agud malikayan an fraud ngan sayop nga pangilal-an, pero ginbalabgan ine han mga abogado han mga biktima, nga gintawag an panukala nga “anti-poor.”
Subay ha ICC, sakto an presente nga proseso han verification agud siguraduhon an pangilal-an han mga biktima ngan malikayan an panlimbong.
