Gin aghat han International Criminal Court (ICC) an ngatanan han mga nasud ngan ira mga korte nga suportahan an pagpapatuman ngan pagpapadayon han international ha bug-os nga kalibutan.
Ginbuhat ni ICC President Judge Tomoko Akane an apela kadungan han selebrasyon han pagkabug-os han Rome Statute, 28 katuig na an nakalalabay, ha pagbinuligay han mga nasud ha bug-os nga kalibutan.
Sumala kan Akane, an ICC an nag-uusaan nga permanent court nga mayda kapas nga tuldukan an ‘impunity’ o kawaray hin pagbaton, ngan lanaton an mga gamhanan nga lider nga naghihimo hin mga makarima-dima nga krimen.
Tikang han matukod an international tribunal, nahimo na han korte nga tumanon an mandato hini ngan padayon hini nga bubuhaton an misyo hini.
Nagdig-on an tribunal nga dire magkakamay-ada hin hapsay nga pagpapatuman han international law kun waray independent judicial institution sugad han ICC nga waray hadlok nga maghatag o magpatuman hin balaod para ha pagpatuman han hustisya/
Sumala pa kan Judge Akane, an padayon nga pag-eksister han ICC in usa nga importante nga panagang agud masigurado nga dire makakatalwas an lider han mga nasud o mga gamhanan nga indibidwal tikang ha ira pagbaton, kun makahimo hin krimen sugad han crimes against humanity.
Mahitungod hini, importante nga mapabilin an pagigin independent han tribunal ngan libre ha anuman nga impluwensya nga politikal.
