NATIONAL– Dayun nga gin klaro ni International Criminal Court (ICC) Assistant to Counsel Atty. Kristina Conti nga an partisipasyon han mga pamilya han biktima kumo witness ha ICC case ni anay Presidente Rodrigo Duterte in dire gobyerbo han Pilipinas an magastos.
Sumala kan Conti, an ICC in mayda kalugaringon nga pondo kasumpay hine.
Duon pa hine, duro hin ka-istrikto han ICC ha kwalipikasyon kumo witness, ngan mas istrikto gihapon ine ha kwalipikasyon kun igsusulod ine witness protection program kun diin damo an mga bawal.
Dire daw harumamay an magin witness ha ICC mahitungod nga dire an mga ine mako-konsidera nga bakasyunita, mahitungod nga waray hira freedom ha schedule ngan damo an limitasyon ha mga gios.
Dire gihapon an mga ine maikokonsidera nga freeloader mahitungod nga an kabalyon hine in kawaray hin pakabuhi, security threats, ngan psychological trauma.
