THE HAGUE, NETHERLANDS – Gindig-on han mga judges han International Criminal Court Appeals Chamber an desisyon han Pre-Trial Chamber nga kinahanglan in magpabilin la gihapon ha presohan hi anay Presidente Rodrigo Duterte.
Sumala ha ICC, nga an Appeals Chambers in ira ginbabasura an tanan nga mga argumento sugad an ground of appeals han mga abogado ni Duterte.
Nakakuha hin unanimous voting an five-person Appeals Chamber agud dayon ibasura an hangyo han depensa ha Pre-Trial Chamber.
Ha ginpagaweas nga pahayag, pakyas an depensa nga tudlukon an mga sayop han Pre-Trial Chamber kun diin ginbase ha Panel of Experts agud maghatag hin panibag-o nga update ha panlawas ni Duterte.
Ginkokonsidera gihapon han panel of experts an duha nga notisya ha kondisyon ngan panlawas han anay presidente nga gin-andam han medical practiticioners ngan ginpili han defense team.
Tikang pa han Marso 12, 2025 in nakapreso na ha ICC ha The Hague an anay Presidente mahitungod ha kaso nga war against humanity ha kampanya hini ha iligal nga droga nga tikang han mayor pa ini han Davao City kutob magin Presidente han Piilipnas.
