TACLOBAN CITY – Nadakop han City Government of Tacloban an usa nga babaye nga Online Sexual Abuse or Exploitation of Children human trafficker ha syudad han Tacloban sugadman an mga kabatan-unan nga nagbubuhat hin online sexual abuse tikang ha Samar.
An OSAEC in usa nga klase hin sekswal nga pan aabuso ngan paningabot ha mga kabataan gamit an internet o digital platform agud mauwat ngan mamanipula an mga ini nga mag buhat han malaswa nga buruhaton.
Sumala kan Tacloban City Prosecutor Ma. Liza Miscala Jorda, usa nga factor han human trafficking kun kay ano nag eengage an mga kabataan in an kakurian sugad man an pagkakamay-ada hini ‘easy money’ o madali la makakwarta.
Samtang, gin aaghat naman ni Jorda an mga kag-anak nga maging mas mapagbantay ha online activities han ira mga anak.
Ha lain nga bahin, gin pahinumduman naman ni Jorda an publiko nga mag ikmat pagsakob ha mga establishimento nga menor de edad an nag tratrabaho ilabi na ha mga spa mahitungod nga dako an posibilidad nga maupod ini ka liable ha RA 7610 o Special Protection of Children Against Abuse, Exploitation and Discrimination Act. (via Bombo Niña Magpili)
