NATIONAL NEWS– Ginkaka-alarma han grupo han Karapatan an daw duro nga pag-ataki kontra ha mga babayi nga miyembro han Rise Up for Life and for Rights at National Union of Peoples Lawyers (NUPL), mahuman an pagkaka-aresto kan anay Pang. Rodrigo Duterte.
An nasabi nga grupo in parehas nabulig ha mga pamilya han daw biktima han drug war han nakalabay nga administrasyon.
Subay ha grupo han Karapatan, gin-uuran hin sexist ngan hate comments ha social media pages an pira nga mga miyembro han duha nga grupo labot la ha ira nakakarawat nga panhuhulga pinaagi hiton magkalain-lain nga messaging service.
Gin-pananglitan hine an pag-ataki nga ginhimo kan Atty. Kristina Conti, an nagsisirbi nga Assistant to Counsel for the International Criminal Court (ICC), partikular na ha social media platform.
An nasabi nga abogado, in kalakip ha iba pa nga mga human-rights lawyer ngan mga advocate in naatubang ha daw disinformation, pagtamay, panhuhulga ngan pagpaka-alo.
