NATIONAL–Nagpahayag hin madig-on nga suporta an House Young Guns nga ginkakalakip nira Deputy Speaker Paolo Ortega, Deputy Speaker Jay Khonghun, Cong. Zia Alonto Adiong ngan Cong. Ernix Dionisio ha reporma ni Ferdinand R. Marcos Jr. ha Lifetime Rate Subsidy Program (LRSP).
Ha ilarom han bag-o nga polisya, in otomatiko nga libre an syahan nga 50 kilowatt-hours (kWh) hin konsumo ha kuryente han mga pamilya nga benepisyaryo han Pantawid Pamilyang Pilipino Program (4Ps).
Sumala ha mga mamabaralaod, dire na kinahanglan nga mag-apply o umagi ha halaba nga proseso an mga kwalipikado nga pamilya agud nga kuhaon an subsidiya.
Tumong hine nga igpadagmit ngan igpasimple an panhahatag hin bulig ha mga nagkukuri ngan ada ha marginalized nga sektor.
Ginmalatumat han grupo nga dako nga ginhawa ine ha mga pamilya nga nagkukuri mahitungod ha hataas nga baraydon ha kuryente, mahitungod nga otomatiko nga makakrawat na nira an benepisyo kumo rehistrado nga mga 4Ps beneficiaries.
Nanawagan gihapon an mga mambaralaod ha Department of Energy, mga electric cooperative, ngan iba pa nga ahensya nga siguraduhon an maupay ngan abtik nga pagpapatuman han programa.
