-- Advertisements --
NATIONAL | Gindig-unan ni House Majority Leader Sandro Marcos nga lehitimo an mga pagsukna ha Anti-Political Dynasty bill han Kamara, pero ginmalatumat hine nga an presente nga bersyon in resulta han kompromiso agud nga makakuha hin sadang nga suporta tikang ha manbaralaod.
Sumala kan Marcos, subay ha konsultasyon ha mga lider han partido, posible nga mawarayan hin sadang nga botos an balaodnon kun magigin mahugot an mga probisyon.
Aminado gihapon ine nga damo ha mga miyembro han Kamara an kalakip ha mga political dynasty.
Ginklaro niya nga dire pa pinal an balaodnon, matungod nga ma-agi pa ine ha Senado, ngan ha bicameral conference committee, kun diin pwede pa nga amyendahan an mga probisyon mha ginkokonsidera nga kulang.
