NATIONAL – Nanawagan an House Tri-Committee hin gyera kontra ha fake news, kasunod han nagtitika-grabe nga pagsarang han mga sayop nga impormasyon ha social media.
Mahitungod hine, ginpahugot han House Tri-Comm an imbestigasyon kontra ha fake news ngan disinformation.
Nagpahimtngon gihapon an Komite ha publuko nga an padayon nga paghurak han fake news in hulga ha demokrasya, national security, ngan pagtapod han mga molupyo.
Sumala kan Surigao del Norte Rep. Johnny Pimentel, usa ha mga co-chair han Tri-Comm, napapanahon na ine para atubangon an nasabi nga problema.
An imbestigasyon in gindumara kahuman han privilege speech ni Surigao del Norte Rep. Robert Ace Barbers, nga nagpahayag hin pagkabaraka ha pagdamo han fake news ha social media ngan an posible nga hulga hine ha public order ngan national security.
