NATIONAL NEWS– Ginhangyo han House prosecution panel ha Senado kumo impeachment court nga abrehan yana nga adlaw hiton Huwebes an selyado nga kahon han Bureau of Internal Revenue (BIR) nga mayda sulod nga tax records ni Vice President Sara Duterte, han iya asawa nga hi Atty. Manases “Mans” Carpio, ngan an ira mga kumpanya.
Sumala kan House prosecutor ngan Bicol Saro Partylist Rep. Terry Ridon, importante nga mahibaruan an sulod han kahon, matungod nga kanit ine ha Article II han impeachment complaint nga naghihisgot hiton unexplained wealth.
Waray naman abrihe an BIR records ha hearing han House Committee on Justice ngan nagpapabilin nga kaparte la han rekord an kaso. Ginlalauman han prosekusyon nga mabalabag an kampo ni Duterte nga abrihan ine.
Ginpahayag han prosekusyon nga makakabulig an mga dokumento agud nga makita kun tugma an mga deklarado nga ari-arian, kuhida ngan net worth han Bise Presidente ha mga rekord han BIR.
Mababaruan nakatalaan naman nga magtikang an impeachment trial ha Hulyo 6.
