Gin aadman pa han House Prosecution Panel kun igpapatawag hira Col. Raymund Lachica ngan Dennis Nolasco kumo mga testigo ha impeachment trial kan Vice President Sara Duterte.
Hi Lachica in anay head han Vice Presidential Security and Protection Group (VPSPG) ngan ha iya daw ginhatag ni Office of the Vice President (OVP) special disbursing officer Gina Acosta an P125 million nga confidential funds dida han December 2022.
Hi Nolasco naman in anay deputy commander han VPSPG ngan nadadabi gihapon ha confidential funds ha Department of Education (DepEd) ha panahon nga hi VP Sara pa an sekretarya hini.
Sumala kan House Prosecution Adviser and Spokesperson Robert Ace Barbers, waray kahidayon pagpatawag hadto kan Lachica ngan Nolasco ha mga pagdungog han House Committee on Good Government and Public Accountability.
Ini in mahitungod nga mayda imbestigasyon nga gindudumara an Armed Forces of the Philippines ngan suprisyente na gihapon an mga ebidensya ngan testimonya nga nakuha han Kamara kasumpay ha sayop nga paggamit ni VP Duterte ha confidential funds.
Ginmalatumat naman ni House Private Prosecutor Atty. Lorna Kapunan, kun may-ada findings na ha internal investigation han AFP in pwede naman igpesenta hira Lachica ngan Nolasco kumo mga additional or rebuttal witnesses.
