Nagtataka an House prosecution panel kun kay-ano kinahanglan pa an confidential funds para ha seguridad ni Vice President Sara Duterte nga mayda man ini Vice Presidential Security and Protection Group (VPSPG) nga mayda 400 nga tawuhan ngan mayda bulag nga pondo.
Ginmalatumat ini ni House prosecution legal spokesperson and counsel Benjamin “Jay” Tolosa Jr. kasunod han testimonya ha impeachment trial han testigos nga hi Commission on Audit-Intelligence and Confidential Funds Audit Office supervising auditor Xylene Mae del Campo.
Duon ni House Trial trial spokesperson ngan Kabataan Party-list Rep. Renee Louise Co, mayda kalugaringon nga pondo an VPSPG tikang ha Office of the Vice President.
Basar ha testimonya ni del Campo, ginastusan han confidential funds an surveillance operations ha mga aktibidad ngan engagements ni VP Sara kaupod an pag-atender ha mga inauguration activities, tree planting, Christmas activities ngan iba pa.
Nagtataka gihapon hi House prosecution spokesperson Rep. Zia Alonto Adiong, kun kay-ano kinahanglan gamiton an milyones nga kantidad nga confidential funds para ha seguridad ni VP Sara ha Davao sugad nga iginpaparayaw man nira nga an Davao an pinakatalwas nga lugar ha nasud.
