Gin malatumat han House prosecution nga karuyag nira klaruhon tikang ha Senate impeachment court an kasumpay han nagin pahayag ni Senador Robin Padilla nga “waray katungod magpakiana” an prosekusyon ha usa nga senator-judge.
Sumala kan House prosecutor ngan Camarines Sur Rep. Terry Ridon, karuyag nira maklaruhan kun iginbabawal gud ba ha magkaluyo nga parte an pagpakiana hin clarificatory questions ha mga senator-judges, labi na kun mayda mga pamakiana nga nanginginahanglan hin pagklaro.
Ginmalatumat ni Ridon nga pag-iistoryahan anay han prosecution panel kun magsusumite hira hin manifestation o magsasalawad hin oral manifestation.
Importante daw ini mahitungod nga mabug-at an nagin pahayag ni Padilla nga waray katungod an prosekusyon nga magpakiana.
Maghahatag gihapon ini hin pagklaro ha parehas nga parte han depensa ngan prosekusyon.
Duon pa han kongresista, an obligasyon nga magpabilin nga neutal in trabaho la han senator-judge ngan dire han mga abogado han magkaluyo nga parte, mahitungod nga adversarial an impeachment proceedings.
