NATIONAL–Gin-desisyon han House Committee on Justice nga mayda ensakto nga substance an ikatulo ngan ikaupat nga mga impeachment complaints kontra kan Vice President Sara Duterte.
Ha botohan, nakakuha hin 54 ka boto pabor, 1 ka boto kontra, ngan 0 abstentions, kun diin hi Quezon City Rep. Jesus “Bong” Suntay la an bumotos hin “no.”
An desisyon in nag-abri hin dalan para ha mas hilarom nga panhisgot ha mga alegasyon kontra ha bise president, kalakip an ginaalegar nga plunder, graft, sayop nag paggamit hin pondo, ngan hulga ha pagpatay.
Pero kaluyo nga pumokus ha hearing, nagin okupado naman an ikaduha nga pangulo kanina ha paghahaon hin kaso nga perjury kontra kan Ramil Madriaga ha Taguig City Prosecutor’s Office.
Sumala ha iya, ginaalegar nga gin-uutro han Kamara an taktika nga gingamit ha International Criminal Court (ICC) kontra kan anay panuglong Rodrigo Duterte, pinaagi hin mga testigo nga mayada ginhimo la nga mga istorya.
Ginmalatumat gihapon niya nga hi Madriaga, nga akusado ha kaso nga kidnapping, inj nagkuware nga campaign supporter bago lumutaw kumo testigo ha impeachment kontra ha iya.
Mababaruan nga hi Madriaga in nagpasa hin affidavit nga nagyayakan nga an kampanya ni Dutere in ginpondohan han mga drug dealers ngan Philippine Offshore Gaming Operators (POGOs).
An iya testimonya in kalakip ha mga dokumento nga ginpasa ha mga impeachment complaints.
Ginduon pa ni Duterte nga diure pwede nga pabay-an nga iglimbong an publiko ha mga gin-imbento nga istorya.
