Gin aprubahan han House Committee on Higher and Technical Education an duha nga panukala nga balaod nga panuyo ig-update an pagmamangulo han mga State, Universities, and Colleges (SUCs).
Ini in mahuman an haros tulo kadekada mahuman igpasar an Republic Act No. 8292 o an Higher Education Modernization Act of 1997.
An mga gin aprubahan nga panukala in an House Bill No. 4799, nga pangunahon ginsurat nira TINGOG Party-list Rep. Jude Acidre ngan Rep. Andrew Julian Romualdez, ngan an House Bill No. 5042, nga gin surat ni Rep. Ziaur-Rahman “Zia” Alonto Adiong.
Pag-uusahon an duha nga balaod agud makabug-os hin usa nga substitute bill para ha deliberasyon ha plenaryo.
Panuyo han panukala nga balaod nga klaruhon an estratehiko nga papel han Commission on Higher Education (CHED), paksugon an mga governing boards han SUCs, ngan igpatuman an naiiba nga lebel han otonimiya subay ha kapasidad ngan pagtuman han institusyon.
Kalakip ha HB 4799 an rebisyon ha komposisyon han board, paghag-id ngan sertipikasyon ha pagmamangulo, ngan pagtukod han Philippine Higher Education Academy para sa paghubog ng pamumuno at succession planning.
An HB 5042 in nagtutudlok gihapon hin modernisado nga governanace structure ngan mas madig-on nga mekanismo han pag-baton.
Sumala kan Acidre, nga Chair han Committee ngan Co-Chair han EDCOM II, panuyo han reporma nga igmodernisa an autonomy framework han SUCs agud magin mas accountable ngan epektibo an pagmamangulo ha mga unibersidad ngan kolehiyo.
