NATIONAL–Pormal nga nagpasa hin Notice to Respond an House Committee on Justice kan Vice President Sara Duterte kasumpay han duha ka verified impeachment complaints kontra ha iya.
Ha abiso nga naka-petsa han March 4, 2026, ginpadara na ha Office of the Vice President ha Mandaluyong City, gintokahan hi Duterte nga magpasa han iya verified answer sulof hiton 10 ka adlaw nga dire pwede igpa-ugsod basar ha House Rules ha impeachment proceedings.
Sumala ha komite nga ginpapanguluhan ni Rep. Gerville Luistro, nakit-an nga sufficient in substance an mga reklamo nga impeachment.
An duha nga reklamo in ginhaon nira Joel Saballa ngan Atty. Nathaniel G. Cabrera.
Ginpahimatngon gihapon han komite nga kun waray ginpasa an baton ha gintalaan nga panahon, tatawagan ine kumo pagtalikod ha katungod nga bumaton ngan igpapabutang nga pankabug-osan nga pagsalikway ha mga alegasyon.
Ha pagkayana, nakarawat na han Office of the Vice President an nasabi nga abiso banda alas 10:44 han aga, Marso 5, 2026.
Sumala ha aludayday han Kamara, kinahanglan nga magpasa anay hin verified answer an respondent san-o nga magpadayon an komite ha masunod nga yugto han deliberasyon ha mga reklamo.
