NATIONAL NEWS Ginsirotan han Securities and Exchange Commission (SEC) hin P50,000 nga multa an Home Credit (HC) Consumer Finance Philippines, Inc. tungod ha dire hine patas nga pamaagi ha pagkolekta hin utang.
Kanit ine ha pira nga mga reklamo han mga nangutang nga daw an HC Consumer Finance in nagdumara hin mga aktibidad hin pagkolekta ha mga indibidwal nga dire guarantors o co-makers ha utang.
Nahikit-an ine han SEC Financing and Lending Companies Department nga an HC Consumer Finance in mayda baratunon ha pagtalapas han SEC Memorandum Circular (MC) No. 18, Series of 2019 (MC 18), ngan han MC No. 5, Series of 2023, or an SEC Rules and Regulations of the Financial Products and Services Consumer Protection Act (FCPA) of 2022.
Sumala han SEC, an mao nga aksyon in maikokonsidera nga usa nga pan-aabuso.
Labot la ha P50,000 nga multa para han first offense, ginmanduhan an HC Consumer Finance, nga ig-undang na an pangolekta han utang ha mga dire guarantors o co-makers han loan.
Nagmando gihapon an SEC nga repasuhon an ira mga polisiya ngan magsumiter hin compliance report Commission.
