TACLOBAN, CITY – Padayon an hiring han mga bag-o nga magturutdo sumala ha Department of Education ini in may paghisumpay ha kakulangan han mga magturutdo ha nasud Pilipinas.
Sumala ha DepEd mayda hira target nga numero yana nga 2026, kun diin maabot ha 32,916 nga Teacher 1 an ira ginbabana-bana nga matatagan hin oportunidad nga makapagtutdo.
Aminado naman an buhatan nga dako ang kakulangan diri la ha numero han magturotdo, kaupod na gihapon an kakulangan han mga classrooms ha Pilipinas nga usa ha dako nga nakaka-apekto ha pag-aram han mga estudyante.
Maabot naman ha 26,000 an target han DepEd nga mga bag-o nga classrooms yana nga 2026.
Aada naman ha P85.39 bilyon an alokasyon han budget para yana nga tuig para ha pasilidad, construction ngan panhingayad hini nga mga klasrum.
Samtang, padayon naman iton hiring han DepEd ha mga magturutdo agud mabuligan an mga estudyante nga makakuha hin insakto nga aram ha edukasyon labi na nga kada tuig in nagtitikadamo iton mga na-enroll.
(via Bombo Jake Paguipo)
