WASHINGTON D.C., – Ginakusaran ni anay US Secretary of State Hillary Clinton hi US President Donald Trump an pagtabon han mga dokumento kasumpay ha kaso han tumalikod nga sex offender nga hi Jeffrey Epstein.
Mahinay an proseso han paghahatag han mga files ngan dapat in maigawas na dayon an mga ini.
Manunumduman nga dida han nakalabay nga bulan, nagpagawas an US Department of Justice hin 3 milyon nga dokumento, litrato, ngan video kasumpay ha imbestigasyon kan Epstein nga nagpapamatuod nga nagpakamatay ini dida han 2019 samtang nakapreso.
Bisan man nagawas ha mga Epstein files hi anay US President Bill Clinton, waray pa ebidensiya nga nag-susumpay ha ira mag-asawa ha bisan ano nga kriminal nga buruhaton.
Ginmalatumat naman ni Hillary Clinton nga mabaton la hira kun ig-papagawas ha publiko an Epstein files.
