HEALTH NEWS- Gintatawag nga hyperacidity o dispepsia kun sobra an stomach acid o asido ha tiyan.
Pwedi gihapon nga sakto la an kadamo han asido pero nagdudurot ine hin samad o iritasyon ha tiyan o lalamunan.
Dire naman ine delikado labot nala kun sintomas la ine hin mas grabe nga sakit.
Adi an pira nga hinungdan han Hyperacidity:
1.Acid reflux o an pagsaka han stomach acid ha lalamunan.
2. Pwedi gihapon stress ngan anxiety
3.Side effect han mga medisina sugad han aspirin, ibuprofen ngan mga nitrate.
4.Pagiging overweight o obese
5.Impeksiyon tikang ha Helicobacter Pylori bacteria
6.Peptic Ulcer
7.Kanser ha tiyan
8.Pagsigarilyo
9.Sobra nga pagininom hin makahurobog nga irimnon ngan kape
10.Pagkunsumo hin ilegal nga droga
Mababaruan naman kun ine in hyperacidity kun panginanuon an tiyan.
Kun makurian naman an doctor nga mabaruan kun ano an hinungdan han hyperacidity in igpapailarom na ha endoscopy o magsusulod hin tubo ha baba para maoserbaran an lalamunan, tiyan ngan kadamo han asido.
