HEALTH — An pagtug-ab in pagpapagawas han hangin tikang ha tiyan pakadto ha baba. Natatabo ini pagkahuman kumaon ngan kun damo iton natulon nga hangin. Kun masyado nga malaksi uminom o kumaon, pirmi nainom hin softdrinks ngan pirmi ginkukulba, masukot gihapon nga tumug-ab an usa nga tawo.
Puydi gihapon nga tumug-ab an mga baby pagkahuman sumuso ha nanay. May mga pagkaon ngan irimnon nga nagpapakusog han pagtug-ab an usa nga tawo sugad han softdrinks, alcohol drinks, pagkaon nga damo iton starch ngan fiber sugad han beans, brocoli, peas, sibuyas, repolyo. cauliflower, saging ngan tinapay.
May mga sakit gihapon hin pag tug-ab sugad han gastroesophageal reflux disorderkun diin an acid ha stomach in nasaka ha may but-ol.
Pwede gihapon ini ha gastroparesis kun diin nahinay an muscles han stomach, peptic ulcer, lactose intolerance ngan an nahinay an muscle ha stomach, gastritis o an paghubag han stomach, peptic ulcer, lactose intolerance ngan kun may-ada ka impeksyon ha tiyan han Helicobacter pylori.
Diri kinahanglan hin medication an pagtug-ab. Kun sobra nga kadamo ngan masukot an pag tug-ab, komunsulta ha iyo doktor para mahibaruan kun may sakit nga nagdudurot hin pagtug-ab. Kun pirmi malaksi nga kumaon, mahilig ha softdrinks ngan pirmi nakaon hin chewing gum, ibani ini para maibanan gihapon an pag tug-ab.
