HEALTH NEWS- Kumplikado nga sakit an eczema nga naapektaran an panit nga hinungdan para mangatol ngan magmara an panit nga pwedi duktan han bacteria nga Staphylococcus aureus ngan cold sore virus.
Ha kaluyo nga dire ine nakakatapon ngan waray klaro nga rason han pagrangrang hine in pwedi naman nga makontrol an eczema.
Kinahanglan la nga bantayan an diyeta makakaupay an pag-iban ha pagkaon han asukar ngan yeast.
Pwedi gihapon nga magprobar pagsupplement sugad han paginom han Vitamin B.
Kinahanglan naman nga likayan an mga mag-isog nga mga produkto sugad hiton sabon, foaming agent ngan preserbatibo ha mga skin care o sabon nga panlaba.
Likayi an pagkarigo ha mapaso nga tubig matungod nga magiging hinungdan ine para matangal an natural nga oil ha panit ngan nagdudurot hin iritasyon, lugod in karigo hin maligamgam nga tubig.
Kun grabe na in kinahanglan nga umaro hin bulig ha mga healthcare professional labi na kun padayon la gihapon an isyu.
