Damo an may fatty liver nga resulta base ha ultrasound. An fatty liver in tambok nga natirok ha selula han atay ngan kaudgan in nakikitan ha mga edad 40’s ngan 50’s.
Kaudgan in waray ini sintomas pero an iba nga pasyente in nadako an atay, masakit an tu-o nga parte han tiyan ngan madagmit nga makapoy.
Sumala ha mga eksperto, pupuydi nga may koneksyon an fatty liver ha pagigin matambok, hataas nga asukar ha dugo o diabetes, hataas an triglyceride nga kolesterol. An iba pa nga risk factor ay PCOS o Polycystic ovary syndrome, hypothyroid ngan iba pa nga sakit.
Adi naman an sakto nga pagkaon para ha may fatty liver:
- Kumaon hin mga 2 ka tasa nga utan ngan 2 ka tasa nga prutas kada adlaw.
2. Puydi kumaon hin mais, patatas, kamote, ube ngan balanghoy. Mag iban ha busag nga kanon.
3. Maupay an protina ha isda, mongo beans, karne, manok nga waray tambok, low fat milk, yogurt ngan soya milk.
4. Pili-a an healthy fats sugad han mani, kasoy, garbanzos ngan olive oil. Lumikay ha butter o krema, mayonnaise ngan sebo.
- Igpabilin an sakto nga timbang ngan regular nga mag ehersisyo.
- Tubig an piankamaupay nga irimnon para ha iyo. Lumikay ha magtamis nga irimnon.
