HEALTH NEWs- An ingrown nga kulo ha tiil in an dire normal nga pagtubo han kulo kun diin matarom an sulod han kulo nga nahaum ha ilarom han unod.
An mao nga kondisyon in nagdudurot hin grabe nga pagsakit ngan dire komportable nga inaabat labi na ha paglakat ngan pagkasamad.
Bagaman nga kaurugan an pagkakaada hin ingrown nga kulo in madali masolusyonan ha bulig han maupay nga pagutod ha nahalaba nga kulo ha tiil dire gihapon mawawara an kadelikaduhan nga ine in otro nga tumubo ngan magdurot hin komplikasyon kun pananglitan maimpeksiyon an samad nga naangkon tikang hine.
Para mabuligan nga dire na magrabe an kondisyon ngan malikayan nga umabot ha grabe nga komplikasyon in pwedi buhaton an mga masunod nga pitad.
1.Igbabad an tiil ha tubig- Ine an pinakamaupay nga pamaagi para maibanan an pagsakit han tiil matungod ha ingrown nga kulo.Makakaupay ha inaabat kun babaran an nahubag nga kulo hin tubig nga mayda asin.
2.Tambala an samad nga naangkon- Kun pananglitan nagkaada hin samad ha tiil matungod ha ingrown in kinahanglan nga dire ine pabay-an ngan dayon nga tagan hin tambal para malikayan nga magkaada hin impeksiyon.
3.Utda hin maupay an kulo- siguraduha ngan turupong ngan waray matarom nga kulo nga naunlod ha unod. Pwedi gihapon gumamit hin nail file para ha mga magtarom nga kulo.
4.Magpapedicure- an pinakamadali nga pamaagi para mawara an problema ha ingrown ngan pagtubo han kulo in an pagpappedicure.
Siguraduha la naman nga an magpepedicure ha imo in usa nga propesyonal o maaram talaga magpedicure.
