HEALTH NEWS – Mga ka bombo kaudgan ha aton in problema iton pagkakamayda hin eye bags ngan pangingitom ha ilarom hiton mata.
Kaudgan hine nga hinungdan in durot hiton pagpipina-pipraw , kulang ha katurog , sobra nga gimmick, paninigarilyo ngan pag-ininom hin makahurubog nga irimnom.
Mahitungod hine na iibanan an (fats) ha ialrom hiton aton mata, naguguba an mga ugat ngan nangingitom an iyo mata.
Adi naman an pira nga mga pitad agud nga malikayan an eye bags.
1. Magpatugnaw hin pira ka hiwa han pipino , Igbutang an pipino ha ice o refrigerator. Igpiyong an iyo mata ngan igbawbaw ine ha iyo mga mata hin 15 minutos.
Balyuan an pipino kun dire na ine matugnaw.
2. Pwede gehapon nga gumamit hin tea bags. Iglublub an 2 nga tea bags ha maligamgam nga tubig. Pagkahuman in patugnawon ine ha refrigerator.
Igbawbaw an tea bags ha mata hin 15 minutos.
An halo nga tannin ha tea in nakakabulig ha pag-iban hiyon paghubag ngan pangingitom hiton mata.
3. Kun nagmamadali naman , kumuha hiton yelo o ginpatugnaw nga kutsara ngan igbawbaw ine ha eye bags. Himuon ine hin pira ka minutos samtang matugnaw kutsara.
4. Uminom 8-10 ka baso hiton tubig kada adlaw para dire ma dehydrated iton iyo lawas.5. Lumikay ha mga nakaka-allergy nga butang o pagkaon . Puwede nga humubag an iyo mga mata kun mayda ka allergy.
