HEALTH NEWS- An alipunga o athlete’s foot in usa nga impeksyon ha panit nga nakaka-apekto ha tiil ngan may posibelidad naman ine nga makatapon ha kamot ngan mga kulo.
An alipunga in delikado nga sakit ngan makuri nga tambalon ngan ine nakakatapon.
An alipunga in natubo kun an fungus nga tinea in umokoy na ha tiil. Posible nga matapnan han fungus pinaagi han pakikihalubilo ha mga tawo nga mayda alipunga o makaka-kapot hin mga butang nga kontamindao han fungus.
Mababaruan nga nabubuhi an tinea ha lugar o butang nga mapaso ngan mahulos-hulos , ine in kaudgan nga makikit-an ha kasilyas o swimming pool.
Adi naman an pira nga mga sintomas han alipunga:
• Pangangatol ngan paghapdos ha butnga hiton mga tudlo.
• Pangangatol ngan paghapdos hiton sakong han mga tiil.
• Pagkakamayda hin makatol nga paltos o lupak ha tiil.
• Pagmara han panit ha may sakong ngan ha ligid han mga tiil
• Pagdakmol ngan pagraot han kolor hiton kulo
