HEALTH NEWS – Yana nga panahon in nagkakagawas na an mga produkto nga pampabusag ha panit ha bisan diin nga paralitan. Pero subay ha usa nga eksperto, labot la ha pan gawas in dapat liwat nga tagaan hin pagtagad an rasun han pag itom hini.
Sumala han dermatologist nga hi Dr. Melanie Chao-Lo nga kaurog nga “cosmetic” an rasn ha pagpapabusag pero kinahanglanun liwat daw nga panginanuon an panit tungod nga pwede dinhi nga makit-an an sintomas han hilarum nga problema ha panlawas.
Kun nakompirma nga waray problema ha panlawas, sunod nga ginsasagdun han doktor nga magiban hin timbang tungod nga mayda kalabutan liwat ini ha pag itom han panit.
Labot la ha pagsiguro nga maupay an panlawas ngan pag iban han timbang, naghahatag liwat an doktor hin magkadurudilain nga pamaagi han pagpapabusag.
Sumala kan Chao-Lo, usa an pagamit han baking soda ha mga barato ngan talwas nga pamaagi ha pagpapabusag. Pwede nga igbutang ha kili-kili o halui hin tubig nga himua nga spray. Pero pahindum ni Lo nga dapat in diri ini damuon.
Makakaupay liwat an paggamit ng kalamansi, apple cider, ngan lemon pero pwede liwat nga magkamay-ada hin iritasyon ha panit tungod nga acid ini asya nga gamit la hin katamtaman nga kadamo hini.
Ginsasagdon liwat nga katamtaman la dapat an paggamit han kojic, malic acid, ngan mandelic acid labi na ha kili-kili.
Pag abot naman ha glutathione nga kilala nga pampabusag, maupay liwat ini nga gamitun kun waray problema ha panlawas. Pero pahindum ni Lo nga diri tanan han nagamit ini in nabusag.
Kinahanglan liwat nga likay ha sirak.
Samtang ginpahindum ni Lo nga diri nakakabusag hin kili-kili an deodorant tungod nga alagid agid nga perfume la an mga ini nga nagtatanggal hin hamot.
Pero pahinumdum niya, an hamot in dara han bacteria ha parte han lawas.
Sumala pa hini nga diri dapat nga duro duro an anuman nga igbutang panit ngan hinumduman nga an “brown is beautiful” tungod nangangarug signgon hini nga damo an melanin nga pangontra ha sirak.
