Gin tutudlok kumo usa nga “non-hearing” o waray opisyal nga kapas an nakalabay nga imbestigasyon han Senado kanit ha flood control scam.
Ini an pamahayag ni House trial spokesperson ngan Lanao del Sur Rep. Zia Alonto Adiong.
Gin malatumat ni Adiong nga an nahinabo nga hearing in matutudlok nga ordinaryo nga meeting hin pira nga mga mambaralaod o “meeting ng magkakaibigan” mahitungod nga ini in diri igin patawag han presente nga nagmamangulo han Senado ngan waray may umatender nga miyembro tikang ha bag-o nga mayorya.
Sumala ha mambaralaod, diri mailalakip ha opisyal nga rekord han Senado an mga testimonya han 18 nga anay sundalo kanit ha daw nakarawat nga kickback ha mga flood control project mahitungod nga waray ini quorum, committee secretary, mga regular nga staff, sugad man an mga stenographer nga gin kikinahanglan ha usa nga opisyal nga hearing.
Samtamg, nanawagan hi Adiong ha mga senador nga dayon resolbahon an krisis ha liderato agud maibalik an karig-on han institusyon.
Duon pa ni Adiong an mga presente nga nanhinabo ha Upper Chamber in naidadara na ha mga personal nga atake ngan nag guguba ha reputasyon han Senado.
Pagsisigurado pa ni Adiong, bisan anuman iton magin desisyon ha kasamok ha liderato, ginlalauman han Kamara nga tutumanon han Senado an ira konstitusyonal nga katungdanan ha tiarabot nga impeachment trial kontra kan Vice President Sara Duterte.
