TACLOBAN CITY–Ginbabanabana han Grains Retailers Confederation (GRECON) Eastern Visayas nga ha Abril pa magtitikang an harvest season.
Sumala kan GRECON EV President Frederic Dy, ginlalaoman nira ine mahitungod han mga nahitabo nga pag-uran han naglabay nga bulan nga nagdurot ha pagkabaha han pira nga mga humayan.
Mababaruan gihapon nga habubo an suplay hiton bugas ha pagkayana kun diin usa nga rason likod hine kay an limitado nga pagsulod han imported nga bugas.
Kaluyo hine, ginlalaoman gihapon ni Dy nga apurahon han gobyernuhan nga igpasulod an mga imported nga bugas agud nga ma-stabilize an presyo hiton bugas ngan magin supisyente an pagkaon han mga katawhan.
Dugang pa hine, ginmalatumat hine nga mayada tisulod nga imported nga bugas pero dire ine masadang.
Mababaruan gihapon nga ha presente in mayada national meeting an ngatanan nga presidente han GRECON kasumpay ha suplay han bugas ha Iloilo.
Samtang, umabot naman ha P50 an presyo han lokal nga bugas kada kilo ha pagkayana kun diin tag P1800 an kada sako hine.
