Maabot pa ha P180 bilyon an pondo nga pwede gamiton han executive department para ha pagbakdaw o rehabilitasyon han mga lugar nga naapektaran ha nahitabo nga magnitude 7.8 nga linog ha Mindanao, sumala kan Senate President Sherwin Gatchalian.
An bag-o nga Senate leader in an nagserbi nga chairman han Finance Committee nga pangunahon nga nanginano ha 2026 National Budget.
Sumala kan Gatchalian, igduduso niya an mas malaksi nga pagpagawas han pondo tikang ha executive department agud ha mas madagmit nga panahon in dayun nga makabakdaw an mga biktima han nahitabo nga linog.
Tikang ha P180 bilyon, kutob P18 bilyon an pwede gamiton ha ilarom han National Disaster Risk Reduction and Management Council (NDRRMC) kumo risk reduction fund ha reconstruction effort.
Pwede ini magamit para ha rehabilitasyon o utro nga pagtitindog ha mga establisyemento nga naguba han makusog nga pagbay-og.
Duon pa han bag-o nga SP, mayda suprisyente nga pondo ngan an kinahanglan la hini in an dayun o madagmit nga pagpapagawas hini para ha dayun nga rehabilitasyon.
