Umabot na ha haros 796,000 nga mga Pilipino, kaupod an mga magturutdo ngan istudyante, an malinampuson nga nakahuman han paghag-id ha Artificial Intelligence (AI) ha ilarom han AI Ready ASEAN Programme.
Ine an nagin sentro han sumat kadungan han pakikiusa han Department of Education (DepEd) ha kahuhuman la nga 3rd Regional Policy Convening ha Pasig City dida han Lunes.
Mahitungod ha positibo nga resulta, target han DepEd nga mas pahugton pa an pakikigbinuligay ha mga nasud na kaapi han Association of Southeast Asian Nations (ASEAN).
Panuyo han ginpakuru-kusog nga kolaborasyon nga mapadagmit an interogasyon ngan paggamit han AI ha sektor han basic education ha nasud.
Subay ha buhatan, an paggamit han teknolohiya in ginlalauman nga makakabulig agud magin epektibo an hibaro han mga istudyante.
Labot pa hine, ginkikita gihapon ine nga solusyon agud mapagaan an administrative tasks ngan kada-adlaw nga trabaho han mga magturutdo.
Ha ginbuhat nga pagharampang, umatubang an DepEd ha magkaduru-dilain nga education leaders, digital policymakers, ngan development partners agud igparayaw an Project AGAP-AI.
