Gin kumpirma han Department of Foreign Affairs (DFA) nga maabot 78 nga mga Pilipino nga na biktima hin human trafficking ha Myanmar an gin pagawas tikang ha mga scam centers.
An mga ini in anay na nga na preso ha kaso nga may kalabutan ha immigration ug illegal entry ngan residency.
Subay hiton DFA, ha pagkayana in nakikipagsumpayan na an Philippine Embassy ha Yangon, mga otoridad han Myanmar agud masiguro an madagmit, talwas ug maayos nga repatriation han mga Pilipino tibalik ha nasud.
Ha lain nga bahin, nagpasalamat naman an DFA ha gobyerno han Myanmar ha makatawo ug maluloy-on nga pitad hini para ha mga Overseas Filipino Workers kasunod ha pagselibrar han Myanmar New Year (Thingyan).
Gin malatumat pa han mao nga ahensya nga ini in nagpapamatuod han maupay nga relasyon han Pilipinas ug Myanmar.
Dida han tuig 2025, nakapagrepatriate an Department of Migrant Workers (DMW) hin 839 Pilipino tikang Myanmar, kundiin 690 ha mga ini in natagan hin bulig pinansyal ug pan negosyo.
Samtang, padayon naman nga ginbabantayan han DMW an mga online postings nga nag-aaghat hin peke nga package tours ngan trabaho ha Thailand, Cambodia, Laos, ngan Myanmar.
