TACLOBAN CITY – Nahipatik an 61.8 porsyento nga lebel han functional literacy ha Sinirangan Bisayas, subay han 2024 Functional Literacy, Education and Mass Media Survey (FLEMMS).
Basar ha datos han Philippine Statistics Authority (PSA), unom ha napulo nga mga residente han Sinirangan Bisayas in functional literate o may kapas nga bumasa, magsurat, mag-compute, ngan umintindi.
Nangunguna an Leyte ha rehiyon nga may-ada 67.9% functional literacy rate, samtang pinakahamubo naman an Northern Samar nga may-ada 51.8%
Subay pa ha PSA, mas hitaas an basic literacy rate han mga kababayen-an nga may-ada 87.3%, kumpara ha mga kalalakin-an nga may-ada naman 83.1%
Basar naman ha edad, nahipatik an pinakahitaas nga basic literacy rate ha mga indibidwal nga nage-edad 20 kutob 24, samtang pinakahamubo naman an nage-edad 60-paigbaw.
Ha mga rehiyon, an Cordillera Administrative Region o (CAR) an nakaghipatik hin pinakahitaas nga functional literacy nga may-ada 81.2 porsyento samtang an Rehiyon 9 naman an may pinakahamubo nga may-ada la 59.3 porsyento. (via Bombo Shiela Encio)
