NATIONAL–Malinampuson nga na-repatriate tibalik ha nasud an ada ha 190 nga Overseas Filipino Workers (OFWs) nga nagin biktima han human trafficking operations ha Cambodia kanina han katutnga.
Tikang ha Phnom Pen, umabot ha Ninoy Aquino International Airport (NAIA) Terminal 1 an ginsakyan nga chartered flight han mga biktima banda alas 4:03 han agahon.
Dayon nga ginkarawat an grupo hin usa nga whole-of-government team ha pangunguna ni Department of Migrant Workers (DMW) Secretary Hans Leo Cadac agud nga siguraduhon an ira katalwasan ngan maupay nga pagproseso pagabot ha nasud.
Kaupod han DMW ha pagkarawat ngan paghatag hin abtik nga bulig an mga hitaas nga opisyales tikang ha Department of Foreign Affairs (DFA), Overseas Workers Welfare Administration (OWWA), ngan Department of Social Welfare and Development (DSWD) para ha psycho-social ngan pinansyal nga bulig.
Nakadto gihapon an mga representarya han law enforcement ngan legal cluster han gobyerno kalakip an Department of Justice (DOJ), National Bureau of Investigation (NBI), Bureau of Immigration (BI), ngan Presidential Anti-Organized Crime Commission (PAOCC) para ha presente nga imbestigasyon ngan profiling kontra ha mga sindikato han human trafficking.
Ginlalaoman nga igpapaialrom ha debriefing ngan asessment an mga nasabi nga OFWs sano padayon nga makauli ha ira mga pamilya.
