ABUJA, NIGERIA – Ginpamatay han mga armado nga grupo an haros 200 ka-tawo ha magkabulag nga massacre ha remote villages ha butnga ngan norte nga parte han Nigeria.
Ha central Kwara state, ginatake han mga armado nga kalalakihan an komunidad han Woro nga nakag-bilin hin 170 ka-tawo nga ginbawian han kinabuhi.
Ini na an deadliest assault nga nahipatik yana nga tuig ha distrito nga may border ha Niger state, an lugar nga gintatarget han gunmen nga naatake ha mga village, nangingidnap hin mga residente ngan nangangawat hin mga hayop.
Ha bulag nga pag-atake ha northern Katsina state, ginpatay han gunmen an 21 ka-tawo; nagbabalay-balay an mga suspek ngan ginpapanmusil an ira mga biktima, sumala ha local police.
Nahipatik gihapon nga ginpalibutan han mga armado nga mga lalaki an mga residente, gingapos an kamot nira ha likod ngan ginpanmusil.
Gintutuohan naman nga jihadist an mga aada ha luyo han massacre nga nagpre-preach ha village. Nanawagan an mga ini ha locals nga ig-atras an ira suporta ha Nigerian state ngan bumalhin ha sharia o Islamic law. Han palagan hini han mga residente, dinhi na nagtikang nga pauranon hin bala han mga militante nga grupo an mga residente.
