NATIONAL – Naipanhatag na han Department of Social Welfare and Development (DSWD) an maabot ha 977,560 nga kabug-usan han family food packs para ha mga biktima han pagbaha ha dako nga parte han nasud.
An mga ine in gin dara ha magkaduru-dilain nga mga regional offices han ahensya agud maipanhatag ha mga residente.
Ginbubug-os an mga ine hin 22,116 nga FFPs nga iginpadara ha Central Luzon. An nasabi nga rehiyon an kumaraway han pinakadako nga bulto han mga food packs.
An iba nga bulto in gindara naman ha Calabarzon, Mimaropa, Bicol Region, samtang dako nga bulto gihapon an gindara ha mga warehouse han ahensya ha National Capital Region (NCR).
Pagsigurado pa han ahensya, magpapadayon an ira pakikipagsumpayan ha mga lokal nga pangobyernuhan agud masigurado an dayun nga panhatag han mga nasabi nga bulig.
