TACLOBAN CITY – Gintawag han Philippine Army nga desperado nga aksyon an ginbuhat han gintutuuhan nga mga NPA nga brutal nga pagpatay han usa nga sundalo ha Motiong, Samar dida han nakalabay nga Hulyo 6.
Sumala kan Major General Pio Diñoso III, Commanding General han 8th Infantry Division, ini pagpakita la nga waray respeto an mga rebelde ha katungod pantawo ngan diri liwat hini ginsusunod an mga probisyon ha ilarom han International Humanitarian Law
Desperado na daw an mga NPA tungod nga dayuday na nga nawawara an ira impluwensiya ha mga katawhan ngan hinay-hinay na nga nabalik an pagtapod han mga ini ha gobyerno
Diri na gihapon daw han mga ini nasusunod han mga NPA an International Humanitarian law.
Tungod han panhitabo in nagpadara hin kadugangan nga pwersa an militar ha Motiong, Samar para mas maproteskyunan an mao nga lugar.
Ginpatapod pa hini nga diri maundang an militar kutob nga diri napupuypoy an insurhensiya ha Samar.
Nanawagan naman an mao nga heneral ha Commission on Human Rights nga imbestigahan an ginbuhat nga pagpatay han mga NPA han mga nakasibilyan nga mga sundalo.
