TACLOBAN CITY – Ginaprobaran na han Philippine Rice Research Institute an proposal nga maintra an kabug-usan an 2500 plus kaektarya nga umhanan ha bungto hin Tanauan hin libre nga panhatag hin binhe hin humay.
Sumala kan Hon.Pel Tecson Municipal Mayor han Tanauan Leyte nga personal nga pumakadto ha ira bungto an coordinator han Region 8 han PhilRice para ipasabot nga naaprobaran na an mao niya nga proposal.
Nagtikang naman an pagdistribwer han mga binhi dida han nakalabay nga semana ngan igpapadayon nala ine yana ngan ha mga masunod nga semana kutob nga makompleto na an panhatag ha kabugusan nga 2500 plus nga umahanan ha mao nga bungto.
Gintagan naman daw nira hin importansiya an mga programa para ha mga parag-uma labi na yana nga nagtikang na liwat iton pananom.
