NATIONAL – Epektibo kakulop nga adlaw, Hunyo 20, an pagkakatudlok balik kan Police Regional Office III Director ngan Philippine National Police (PNP) Spokesperson PBGen. Jean Fajardo kumo bag-o nga Directorate Comptrollership.
Gin saliwanan hine hi PMGen. Neil Alinsangan nga igtutudlok naman ha Area Police Command han Eastern Mindanao.
Pira nga kadugangan nga pagbabag-o pa ha han-ay han pulisya an nahitabo kakulop nga adlaw, kun diin sasaliwanan naman ni PBGen. Rogelio Ibasco Penones hi Fajardo kumo Officer-In-Charge han Police Regional Office III (PRO3) samtang hi PBGen. Gerry Villas Protacio in amu an magigin Officer-In-Charge han PRO 2.
Kaupod gihapon ha haluag nga baralyo hira PBGen. Josefino Dico LIngan nga amu an magigin Officer-In-Charge hab PRO 6, samtang hi PBGen. Dindo Regis Reyes naman an igbubutnag kumo Officer-In-Charge han PRO1.
Samtang, sumala kan PNP Chief PGen. Nicolas Torre III, an mga bag-o nga pagbabag-o in kaparte la gihapon han padayon nga re-organisasyon han mga han-ay han kapulisan ha ilarom han iya liderato.
