Ginamin han anay security aide Orly Guteza nga dire la kwarta an nagduso ha iya agud magbuhat hin sayop nga testimonya kontra kan anay House Speaker Martin Romualdez.
Dida han Miyerkules, manunumduman nga ginbawi ni Guteza an una hini nga affidavit kun diin ginmalatumat niya nga nagdul-ong hiya hin mga male-maleta nga salapi ha balay ni Romualdez ha Forbes Park Makati.
Ginmalatumat ni Guteza nga ginsuholan hiya nira Sen. Rodante Marcoleta ngan anay Congresssman Mike Defensor.
Pero labot la han kwarta ngan scholarship, kahadlok an nag-duso gihapon kan Guteza agud sundon an ginpapahimo ha iya.
Sumala hini, nadara hiya ha mga magtam-is nga patapud nira Marcoleta ngan Defensor sanglit nayakan niya an mga butan nga dire naman tinuod.
Samtang, labot la kan Guteza, upat gihapon nga anay security aide nga nag-akusar kan Romualdez ngan iba pa nga personalidad kasumpay ha anomalya ha flood control projects an bumawi gihapon ha ira mga testimonya.
