Ginmalatumat ni Vice President Sara Duterte nga posible makakuha hin gun-for-hire ha Pilipinas ha kantidad nga P5,000, samtang gin-istroya hini an hurak nga insidente han gun violence ha nasud.
Ha iya talumpati ha “Free Duterte Now” rally ha gawas han International Criminal Court dida han Miyerkules, Hulyo 29, gumamit an Bise Presidente hin usa nga hypothetical situation nga ginkakadabihan han iya asawa nga hi Atty. Manases “Mans” Carpio agud ig-eksplikar an iya punto.
Sumala ha Bise, kun magkamayda hin kabit an iya asawa, puydi hiya kumuha hin gunman ha kantidad nga P5,000 agud ipapatay an nasabi nga babayi.
Gingamit ni VP Sara an pananglita agud igduon nga seryoso nga problema an gun violence ha Pilipinas ngan ginsumpay ini ha isyu han extrajudicial killings.
