Magpapagawas an Government Service Insurance Sysytem hin subra P19 bilyon kumo loan refunds para ha 1.37 milyon nga miyembro ngan pensioners hini ha ilarom han Balik Ginhawa program.
An mao nga refund in kapareho hin kuton tulo kabulan nga amortizations nga igbabalik kumo lump sum.
Ginsaysay ni GSIS President ngan General Manager Wick Veloso nga mas madagmit ngan mas epektibo an mao nga programa kumpara ha tradisyunal nga moratorium mahitungod nga lugod suspendiron an bayad, in igin babalik dayon an tulo ka bulan nga amortizations kumo lump sum.
Sumala hini, panuyuan han mao nga pitad nga maghatag hin dayon bulig pinansyal ha mga miyembro ha oras nga kinahanglanon han mga ini.
Sugad pa man, gin klaro han GSIS nga an mga miyembro ngan pensioners la nga nagbayad hin loan ha mao nga panahon an makakakarawat hin refund.
An mga waray mag bayad ha sakob hin tulo ka bulan in diri kwalipikado.
Samtang, ginlalauman nga makakaghatag an mao nga programa hin dako nga ginhawa ha mga kawani han gobyerno ug mga pensioners nga padayon na atubang ha ayat han mga gastoson ha kinada-adlaw.
