NATIONAL NEWS– Ginsukna ni Senadora Risa Hontiveros an Government Service Insurance System (GSIS) mahuman ine nga mag-invest hin lahos ha ₱1 bilyon ha usa nga kilala nga online gambling platform nga DigiPlus.
Ha iya privilege speech ha plenaryo han Senado, gindig-unan han senadora nga ginhuy-go han ahensya an kabubuwason han sobra 2.7 milyon nga miyembro hine, ha kaluyo han mahugot nga pagbalabag han gobyerno ha e-sabong ngan iba pa nga klase hiton huygo online.
Dugang pa ni Hontiveros, kun bawal ha mga empleyado han gobyerno an maghuygo ha casino, kay-anu nga todo-taya lugod an GSIS gamit an salapi nga ginhuhulog kinada bulan han mga miyembro hine.
Baga-bagan nagawas nga pautro-utro nga pattern an pagpapabaya ngan kuwestiyonable nga mga desisyon ha pamumuhunan an presente nga buhatan han GSIS.
