-- Advertisements --
NATIONAL – Aminado an usa ha dako nga grupo han magtitinapay ha nasud nga dire maipapatapod nga waray magigin umento ha presyo han tinapay kutob ha mahuman an tuig-2024.
Sumala kan Chito Chavez, presidente han Asosasyon ng Panaderong Pilipino, padayon la gihapon nira nga ginbabantayan an presyo han mga raw materials.
Partikular na hine an arina nga gin-aangkat la ha iba nga nasud.
Hasta an cooking oil ngan LPG in dako daw gihapon an epekto kun magkamay-ada hin price adjustment ha world market.
Samtang, ginmalatumat naman ni Chavez nga naglalaum hira nga matatagan gihapon hin subsidiya han gobyerno an mga gudti nga bakery ha nasud.
