TACLOBAN CITY – Padayon an pag-uswag han ekonomiya han Eastern Visayas, kun diin nakaghipatik ine hin 6.2% nga paghitaas han nakalabay nga tuig 2024.
Sumala kan PSA-Eastern Visayas Chief Statistical specialist, Mae Almonte, an nasabi nga datos in tikang ha Philippine Statistics Authority (PSA), nga iton paghitaas han ekonomiya ha Eastern Visayas han 2024, in mahitungod han positibo nga kontribusyon han agrikultura, forestry ngan fishing sectors sugadman an mga industriya ngan serbisyo.
Dugang pa hine, bisan ha kaluyo nga mas hamubo kumpara ha 6.3% han 2023, ine naman an ika-upat nga sunod-sunod nga tuig nga an Sinirangan Bisayas in nakakab-ot hin sobra 6% nga economic growth.
An Gross Regional Domestic Product (GRDP) han Rehiyon 8, in umabot hin P555.6B tikang ha P523.56B han 2023, karuyag sidngon mayda nahidungang nga P32.06B.
Ginmalatumat hine nga an service sector iton may pinakadako nga share ha regional economy kun diin tikang ha 48.1% in nag-expand ini hin 7.1% han 2024.
Nakaghipatik naman an industry sector hin 5.7% samtang an Agriculture, Forestry, ngan Fishing sector in napabilin hine an ira 4% nga growth rate para han 2023-2024.
